Þú finnur kirkjuna einnig á   fr yt Tw fb

Þjóðkirkjan

Kirkjuþing

Vígslubréf presta

Biskup Íslands gerir kunnugt: Með því að kirkjan hefur kallað candidatus theologiæ …………… til þjónustu sem ……………… þá hef ég í dag vígt hann/hana með yfirlagningu handa og samkvæmt fyrirskipuðum reglum til hins heilaga prests- og prédikunarembættis í kirkju Jesú Krists á meðal vor. Með því að hann/hún þannig er réttur prestur á nefndum vettvangi, ber honum/henni samkvæmt því heiti, sem hann/hún hefur fyrir mér að því unnið, að rækja embætti sitt af trúmennsku og kostgæfni og að framganga svo sem Drottins þjóni sæmir með grandvarleik í líferni sínu og dagfari. Ber honum/henni að breyta í sérhverri grein eftir gildandi lögum um kirkjusiði, boða Guðs orð rétt og hreint samkvæmt heilagri ritningu og í anda vorrar evangelísk-lútersku kirkju, hafa um hönd heilög sakramenti Drottins vors með lotningu, eins og fyrir Guðs augliti, og samkvæmt fyrirskipaðri reglu, framfylgja kirkjuaganum eins og lög standa til, með röggsemi og alvörugefni, en undir eins með hógværð og sannsýni, stunda af alhug uppfræðing æskulýðsins, vitja kostgæfilega sjúkra, ala önn fyrir fátækum og munaðarlausum og í öllum greinum kosta kapps um að fullnægja embættisskyldum sínum, vera sóknarbörnum sínum til góðrar fyrirmyndar í öllu og til aðstoðar í sáluhjálparefnum þeirra, einslega og opinberlega, hvenær sem þeim á liggur, og þau hans/hennar leita. Hins vegar býð ég söfnuðinum/söfnuðunum að taka þessum vígða þjóni eins og réttum presti sínum og sálusorgara, virða hann/hana og hlýða honum(/henni í öllu því, sem hann/hún býður í Drottins nafni og eftir embættisskyldu sinni, hjálpa honum/henni eftir megni og aðstoða í því, sem hann kann/hún við að þurfa. Að svo mæltu óska ég bæði söfnuðinum/söfnuðunum og hinum nývígða presti, náðar, miskunnar og friðar af Guði, föður vorum, og Jesú Kristi, Drottni vorum. Þetta bréf mitt, sem presturinn lesi eða láti lesa fyrir söfnuðinum/söfnuðunum, staðfesti ég með undirrituðu nafni og hjásettu embættisinnsigli.