Kirkjuþing

Biskup Íslands flutti framsögu um 4. mál fyrir hönd kirkjuráðs. Þetta mál kemur nú til kirkjuþings öðru sinni eftir umræðu á prestastefnu og víðar.

Umræðum um 5. mál, Tillaga til þingsályktunar um áfangaskýrslu um heildarskipan þjónustu Þjóðkirkjunnar var fram haldið í morgun.

Upptökur af fyrri umræðu fyrstu þriggja mála þingsins eru komnar inn. Þær má nálgast undir liðnum Upptökur í valdálki til vinstri á forsíðu.

Kirkjuþingsmenn fengu góða kynningu á Hjálparstarfi kirkjunnar á fundi í dag. Jónas Þórisson, framkvæmdarstjóri, sagði frá starfinu og dr. Haukur Ingi Jónasson sagði m.a. frá stefnumótun starfsins og breytingum sem hafa orðið á stjórn þess.

Þingfundur hófst kl. 13.30 í dag og var tekið fyrir 5. mál, Tillaga til þingsályktunar um áfangaskýrslu um heildarskipan þjónustu þjóðkirkjunnar. Kirkjuráð lagði málið fram en flutningsmaður var Jón Helgi Þórarinsson. Miklar umræður spunnust um málið og tóku ellefu til máls.

Á kirkjuþingi í dag voru þrjú mál tekin til fyrri umræðu og afgreidd til nefnda. Þetta voru 1. mál, Skýrsla kirkjuráðs, 2. mál, Fjármál Þjóðkirkjunnar og 3. mál, Tillaga að starfsreglum um breytingu á starfsreglum um skipulag kirkjunnar í héraði nr. 1026/2007.

Frumvarp til nýrra þjóðkirkjulaga, Hjálparstarf kirkjunnar, staða Þingvallakirkju og nýjar reglur um kjör til kirkjuþings voru meðal þess sem Pétur Kr. Hafstein, forseti kirkjuþings, ræddi í ávarpi við þingsetningu. Hann sagði að kirkjuþingsmenn þyrftu að íhuga hvort ekki væri tímabært að allt þjóðkirkjufólk nyti kosningaréttar til kirkjuþings, en ekki eingöngu sóknarnefndarfólk.

„Kirkjuþing að þessu sinni mun vekja með sérstökum hætti athygli á Hjálparstarfi kirkjunnar,“ sagði Karl Sigurbjörnsson í ávarpi sínu við setningu Kirkjuþings í dag. Hann talaði einnig um hlutverk kirkjunnar á tímum efnahagsþrenginga og minnti á mikilvægi þess að hugað væri að siðferðislegum víddum kreppunnar.

Kirkjuþing 2009 hefst 7. nóvember í Grensáskirkju. 27 mál eru á dagskrá þingsins.