Kirkjuþing

Kristján Björnsson var framsögumaður í 7. máli sem flutt var af kirkjuráði, tillögu að starfsreglum um prestssetur og aðrar fasteignir þjóðkirkjunnar. Miklar umræður spunnust um málið og tóku 13 til máls, þrír oftar en einu sinni.

Sr. Arna Grétarsdóttir flutti þingmannamál um tillögu að starfsreglum um breytingu á starfsreglum um presta.

18. mál var tillaga til þingsályktunar um fjárstuðning til lista- og menningarmála. Flutningsmaður var sr. Svavar Stefánsson.

Sr. Gunnlaugur Stefánsson var framsögumaður í 17. máli Tillaga til þingsályktunar um stefnumótun í málefnum fatlaðra innan kirkjunnar.

16. mál Tillaga til þingsályktunar um flutning verkefna út á landsbyggðina var flutt af þremur kirkjuþingsmönnum. Framsögumaður var Gunnlaugur Stefánsson.

Halldór Gunnarsson var framsögumaður í 15. máli, tillögu til þingsályktunar um kaup og sölu fasteigna.

Jóhann Björnsson mælti fyrir 14. máli, tillögu til staðfestingar á siðareglum vígðra þjóna og annars starfsfólks þjóðkirkjunnar.

Sigríður M. Jóhannsdóttir var framsögumaður 13. máls sem var Tillaga til staðfestingar á jafnréttisstefnu kirkjunnar.

12. mál Tillaga að starfsreglum um kjör til kirkjuþings var felld í atkvæðagreiðslu í lok fyrstu umræðu. Greiddu 12 atkvæði með og 12 á móti og féll hún á jöfnu.

Rætt var um skerðingu á rekstrarkostnaði prestsembætta og prófastsstarfa vegna flutnings 11. máls í dag.

Sigríður M. Jóhannsdóttir flutti mál kirkjuráðs nr. 10 sem er Tillaga að starfsreglum um æskulýðsþing kirkjunnar. Líflegar umræður voru um málið.

Jóhann Björnsson var framsögumaður um 9. mál: tillögu til staðfestingar á umhverfisstefnu Þjóðkirkjunnar. Eftir framsögu var Ljósaskrefið, handbók Þjóðkirkjunnar fyrir umhverfisstarf í söfnuðum, kynnt.

Kirkjuráð flutti mál nr. 8: Tillögu að starfsreglum um Fjölskylduþjónustu kirkjunnar og var Sigríður M. Jóhannsdóttir var framsögumaður.

Pétur Hafsteinn, forseti kirkjuþings kynnti 6. mál, Tillögu að starfsreglum um þingsköp kirkjuþings.

Mér er heiður að ávarpa kirkjuþing árið 2009. Þegar kirkjuþing var haldið í fyrra var það í skugga bankahrunsins. Þá urðu einhver mestu þáttaskil í efnahagslífi Íslendinga frá stofnun lýðveldisins og setja varð neyðarlög til að tryggja brýnustu hagsmuni þjóðarinnar. Enn erum við stödd í eftirleik hrunsins.